Este innovador vehículo, o primeiro deseñado en España, será lanzado nos próximos meses desde a base aérea de Vandenberg, en California. A conselleira de Economía e Industria, María Jesús Lorenzana, visitou este martes as instalacións da compañía en Porto do Molle, Nigrán, destacando a súa singularidade en España e a súa posición entre as cinco mellores do mundo na fabricación de sistemas de manobra espacial.
“"Seguiremos acompañándoa, porque, dentro da Estratexia de Seguridade, Defensa e Aerospazo, é unha das empresas que ten maior potencialidade."
O sistema OSSIE (Orbit Solutions to Simplify Injection and Exploration) está deseñado para transportar satélites pequenos e medianos a diversas órbitas, facilitando a súa chegada ao destino final. Permitirá a inxección de satélites en órbitas terrestres non tradicionais, así como traxectorias cara á Lúa e o espazo profundo. Lorenzana expresou o seu “orgullo inmenso” por este logro dunha firma con “moitísimas posibilidades de crecemento dentro do momento económico e industrial actual”.
