A praza Arquitecto Antonio Palacios no Porriño será de novo o punto de encontro para os afeccionados ao fútbol. Tras o éxito de afluencia nos partidos de cuartos e semifinais, o Concello repite a iniciativa e instalará unha pantalla xigante para poder seguir a gran final deste domingo 19 de xullo ás 21:00 horas.
Centenares de persoas xa acudiron á praza para apoiar á selección española nos encontros anteriores, celebrando os triunfos en comunidade. O ambiente vivido durante as noites confirmou o éxito desta proposta impulsada polo Concello.
“"Competicións como o Mundial de Fútbol son unha oportunidade para unir á veciñanza e crear momentos inesquecibles. Ver a praza cunha marea vermella animando á selección foi unha imaxe extraordinaria que esperamos repetir este domingo."
O alcalde do Porriño, Alejandro Lorenzo, destacou a importancia do evento para a unión veciñal e os momentos que xera. Convidou a toda a cidadanía a participar na última xornada do campionato e animou á selección a buscar a vitoria.
A oportunidade de seguir en directo a final, apoiando a España en comunidade con amigos, veciños e familiares, estará aberta a toda a veciñanza. A iniciativa tamén se levou a cabo no barrio de San Bieito durante as festas, coincidindo cos cuartos de final.
“"Agardamos que o Porriño volva encher a praza para vivir unha final histórica e apoiar á nosa selección! A pola segunda estrela!"
