A menor, de 10 anos de idade, atópase no municipio durante os meses de xullo e agosto. Esta é a súa primeira visita a España, onde está a experimentar actividades e a coñecer lugares de interese.
O alcalde de Baiona, Jesús Vázquez Almuiña, xunto con membros do equipo de goberno, mantivo unha conversa coa nena e a súa familia de acollida para interesarse polas súas vivencias. Durante o encontro, entregóuselle un pequeno obsequio como recordo para levar á súa terra natal.
A familia de acollida estivo acompañada por unha representante de SOGAPS (Asociación Solidariedade Galega co Pobo Saharaui), entidade que colabora no programa. Esta iniciativa permite aos menores saharauís non só gozar de experiencias vacacionais, senón tamén acceder a revisións médicas.
