O director da Axencia para a Promoción da Inversión e as Exportacións de Mozambique, Luís Machava, sinalou a cidade de Vigo como unha rexión estratéxica para captar investimento español. A visita busca recuperar a posición de España como un dos principais investidores no país africano, unha tendencia que cambiou nos últimos anos.
A elección de Vigo como destino prioritario débese á experiencia xa existente de empresas como Pescanova, que opera no sector pesqueiro mozambicano. Machava destacou que a presenza de compañías de referencia na cidade galega facilita a promoción de novas oportunidades de negocio.
“"España é estratéxico para Mozambique. Vendo a experiencia que España ten en enerxías renovables, na área de transporte loxístico e na área de pesca. Por que Vigo? Porque Vigo é unha rexión estratéxica para Mozambique."
Mozambique ofrece incentivos fiscais e garantías estatais para os investidores. Entre eles, a exención de IVE e dereitos aduaneiros para o equipamento importado de España, así como deducións e créditos fiscais. O goberno mozambicano identificou cinco áreas prioritarias: agricultura e pesca, industria, enerxía, infraestruturas e hostalaría e turismo.
A delegación tamén mencionou o interese en atraer investimento de grandes empresas españolas nos sectores de enerxías renovables, onde España é líder mundial. A visita a Vigo forma parte dunha xira por España que tamén incluíu Madrid.
