O material distribuído inclúe lentes fabricadas baixo a norma ISO 12312-2, deseñadas especificamente para a observación solar directa. Ademais, a institución provincial facilita mapas que sinalan os puntos singulares con mellor visibilidade no territorio e guías prácticas para gozar do fenómeno astronómico sen riscos.
A iniciativa forma parte do proxecto Baixo o Ceo das Rías Baixas, que busca converter este evento nunha experiencia turística de calidade. Os concellos integrados na rede recibirán entre 100 e 1.500 unidades de lentes, ademais de material informativo en galego e castelán. Os interesados tamén poden acceder a estes recursos na sede de Turismo Rías Baixas, situada no Palacete das Mendoza.
Máis aló da eclipse, a Deputación traballa na consolidación do astroturismo na provincia. Entre os obxectivos a curto prazo atópase a obtención da certificación Starlight para o Castelo de Soutomaior e o Castelo de Sobroso, un recoñecemento que avala a calidade dos ceos nocturnos e o compromiso coa súa protección.
