Este galardón engádese aos xa obtidos polo grupo en anteriores ocasións, como os Mestre Mateo e os Premios da Industria Musical de Galicia. O xurado do prestixioso Festival de Cans considerou que Insolación destacou entre todas as propostas presentadas nesta edición.

A peza audiovisual, dirixida polas propias María Soa e Sara Faro, xunto a Santi Iglesias e Sergio ‘Steel’, foi rodada en Vigo o pasado mes de decembro. Acompaña o segundo sinxelo do seu último álbum, Tertúlia, e propón unha reflexión sobre a comunicación máis aló da palabra, a través do contacto físico, a danza e a éxtase colectiva.

A proposta artística, baixo o lema «Bailar ata o borde da insolación», busca transmitir a sensación de sufoco e liberación experimentada tras intensas xornadas de baile. O videoclip nace dun encontro fortuíto nunha parada de transporte público de Vigo, que xera conversas e un tránsito festivo cara ao destino final: o álbum Tertúlia, publicado o pasado 24 de abril.

A estrea de Insolación tivo lugar o pasado 26 de febreiro, ante máis de 23.000 persoas no Estadio de Balaídos, durante o partido de Europa League entre o Real Club Celta de Vigo e o PAOK de Salónica.