A proba, que se porá en marcha ás 11:00 horas para os adultos e ás 10:00 para as categorías inferiores, conta cunha alta participación que xa supera o milleiro de persoas. A carreira principal para adultos terá unha lonxitude de 10 quilómetros, mentres que as categorías infantís (chupete, prebenxamín, benxamín e alevín) percorrerán distancias que van dende os 80 metros ata os 1.500 metros.
O percorrido deseñouse para que os participantes poidan gozar das paisaxes da localidade, atravesando puntos emblemáticos como o Parador Conde de Gondomar, o Paseo marítimo, o Casco Vello, a subida San Antón, a Parroquia de Baredo, a estrada cara a A Guarda e rematando no Parque da Palma, que tamén será o punto de saída para as categorías inferiores.
A carreira, que se celebra tradicionalmente e congrega a milleiros de persoas, xa ten confirmados 1.357 inscritos, cunha porcentaxe moi elevada de adultos. O prazo de inscrición pechará hoxe ás 23:59 horas.
