O alcalde de Baiona, Jesús Vázquez Almuiña, acompañado por parte do seu equipo de goberno, recibiu esta mañá no Concello de Baiona ao representante da Panadería Pintora e ao representante da Panadería Yajoma. Ambas as panadarías foron recentemente galardoadas coa sexta e a segunda estrela, respectivamente, na "La Ruta Española del Buen Pan", situándose así entre as 50 mellores panadarías de España.
O rexedor felicitou aos responsables destes establecementos pola súa vitoria e entregoulles un recoñecemento á traxectoria das panadarías, cualificándoo "un aliciente máis para o fomento e o recoñecemento da riqueza gastronómica da nosa vila".
A "La Ruta de l@s 50 Panader@s TOP de España 2026", organizada no Bilbao Global Bakery Forum, busca promover e dar visibilidade aos panadeiros e pasteleiros artesáns do país, outorgando as Estrelas DIR-Informática. Este evento aposta pola excelencia na panadería e pastelería, un obxectivo que comparten as panadarías baionesas recoñecidas.
