A feira, organizada por AEVER e o Centro Comercial Urbano Verín, cofinanciada pola Xunta de Galicia, Comercio Galego e o Concello de Verín, ten como obxectivo sacar o comercio local á rúa e ofrecer prezos especiais á veciñanza e visitantes.
Os establecementos participantes presentarán unha ampla gama de produtos, incluíndo roupa, xoias, calzado e artigos de decoración, convertendo o parque nun gran escaparate do comercio de proximidade.
Ademais das compras, a xornada contará cunha programación complementaria para crear un ambiente festivo, con música, sesión DJ, unha xincana e actividades infantís entre as 12:00 e as 15:00 horas.
Con DESESTOCA búscase tamén reforzar o Parque da Alameda como espazo de convivencia e dinamización, fomentando o paseo, a compra e o desfrute no corazón da vila.
O Concello de Verín apoia esta iniciativa para visibilizar o comercio de proximidade, contribuíndo á dinamización económica e social e promovendo o consumo local.
