O lume, que se iniciou presumiblemente por un fallo mecánico no motor que acciona a maquinaria de pintura, propagouse rapidamente. O vehículo atopábase estacionado nas inmediacións da sala de conferencias da localidade, o que provocou que as lapas afectasen tamén ao tellado do edificio.
Durante o incidente rexistráronse varias explosións debido á combustión de produtos inflamables e tóxicos que transportaba o vehículo. A situación obrigou a extremar as medidas de seguridade durante as tarefas de extinción.
“"Houbo varias explosións"
A intervención conxunta dos efectivos do GES, Protección Civil e a colaboración de varios veciños permitiu controlar e sufocar o incendio. Ademais dos danos estruturais no tellado da sala de conferencias, o lume tamén afectou a un vehículo particular que estaba aparcado nas proximidades.
