Un ano máis, a música será a protagonista en A Rúa coa celebración de O Son da Estación. Este evento, que xa é un referente para os amantes da canción, servirá tamén como escaparate para a música galega emerxente.
O cartel deste ano destaca pola presenza de Baiuca, un dos artistas galegos con maior proxección internacional, quen mesturará música tradicional galega con sons electrónicos. Ademais, o concerto gratuíto contará coa participación de Nadadora, histórica banda galega de pop independente; Luis Fercán, un dos cantautores máis recoñecidos da súa xeración; Kill Vir DJ; e a banda local Navegando a Barlovento.
O escenario principal deste evento musical será a Praza da Estación, situada no corazón de A Rúa.
