O Club Natación Pabellón desprazou 34 deportistas que acadaron 59 medallas (31 de ouro, 23 de prata e 5 de bronce), ademais de bater cinco récords galegos. Na clasificación por clubs, o Pabellón quedou cuarto na xeral con 986 puntos, superado polo Ciudad de Santiago, o Club Natación Ponteareas e o Club Natación Rías Baixas.
Pola súa banda, o Club Natación Escualos obtivo máis de 40 medallas con menos de vinte nadadores, o que lle valeu a sexta posición na xeral con 645 puntos. O equipo masculino foi sexto e o feminino, undécimo.
O Club Natación Valdeorras completou a presenza de clubs ourensáns, situándose decimocuarto na xeral con 372 puntos e 32 participantes. O equipo masculino foi decimonoveno e o feminino, duodécimo.
Destacaron as actuacións individuais: Francisco Rodríguez Basanta (+65) logrou catro medallas; Mara Vidal Bello (+45) sumou un ouro, unha prata e un bronce; María Rosa Barcala (+50) acadou dous ouros e un bronce; Amparo Rodríguez (+35) obtivo tres medallas, incluíndo un ouro; Yolanda Vázquez González (+50) gañou un ouro e dúas pratas; e Borja Tomé (+30) sumou un bronce.
