Tras un período de catro anos pechado, o establecemento Despacho de Comidas Casa Pepa volveu a abrir as súas portas no concello de A Rúa. A nova xerencia, que se fixo cargo do proxecto o pasado mes de febreiro, atopou unha excelente acollida por parte dos veciños.
A proposta culinaria distínguese por fusionar a cociña tradicional galega con innovacións e toques contemporáneos. O local ofrece servizo de martes a domingo, tanto ao mediodía como á noite.
Para os días laborables, de martes a venres, preséntase un menú diario máis accesible e sinxelo. Nos fins de semana, a oferta gastronómica elévase cunha proposta máis elaborada e vanguardista, pensada para sorprender aos comensais.
Entre as especialidades que xa gañaron popularidade atópanse o pan bao de cangrexo crujiente e o orixinal "falso ravioli", que exemplifican a creatividade da carta.
