A gastronomía galega celebra un dobre recoñecemento, xa que o segundo premio tamén recaeu en Miguel Vázquez, de Atípico Restaurante na Coruña. A proposta de Torreiro que conquistou o xurado foi un innovador prato de porro asado con holandesa de koji e majada de sardiña afumada e abelá, maridado coa cervexa 1906 Black Coupage.

O xurado eloxiou a creatividade, a técnica e o compromiso do chef co produto de proximidade. Segundo explicou o propio Torreiro, o prato foi concibido "xogando coa dinámica do mercado e o produto de tempada", buscando realzar un ingrediente "humilde" como o porro. A súa creación tamén pretende condensar a esencia de Galicia, combinando a sardiña, símbolo da costa galega, con produtos do campo como a abelá e o porro.

A traxectoria de Andrés Torreiro inclúe formación en cociñas de prestixio como Culler de Pau en O Grove e NaDo na Coruña. Posteriormente, decidiu regresar á súa localidade natal, Melide, un punto clave do Camiño de Santiago, onde desenvolve unha proposta culinaria que fusiona a memoria gastronómica coa innovación. A sustentabilidade é un piar fundamental na súa cociña, manifestada na elección de materias primas locais e de tempada, e nunha filosofía de respecto polo territorio.

Para o maridaxe, despois de varias probas coa familia de cervexas 1906, Torreiro optou pola 1906 Black Coupage, considerando que os seus matices a café complementaban perfectamente o toque cítrico da holandesa de koji. O premio inclúe unha dotación económica e un plan de promoción exclusivo por parte de Hijos de Rivera. O terceiro premio foi para Ismael Torres, de Doña Petrona en Valencia, co seu buñuelo de all i pebre, tamén maridado con 1906 La Milnueve.