A presentación da xuntanza tivo lugar hoxe no Salón de Plenos do Concello, coa presenza do alcalde, José Manuel Pérez, e membros da Asociación Clásicos Terra de Melide. A iniciativa, que xa alcanza a súa sexta edición, busca poñer en valor vehículos históricos e dinamizar a actividade no municipio.
A participación estímase nuns 70 vehículos clásicos procedentes de diversos puntos de Galicia, e nalgúns casos tamén de Asturias. Os coches poderán ser contemplados polo público no Pazo de Congresos de Melide ata a unha do mediodía.
Tras a exposición, os participantes realizarán unha ruta pola contorna de Melide. Posteriormente, celebraranse un xantar no Mesón de Folgoso, evento que adoita congregar a máis de 150 persoas.
A organización sinala que o límite para participar está fixado en vehículos anteriores ao ano 1992, o que garante a presenza de automóbiles antigos de gran interese. Destacan tamén a satisfacción dos participantes e a vontade de moitos deles de repetir en edicións posteriores, atraídos pola experiencia e o entorno.
As prazas son limitadas e as inscricións poden realizarse por teléfono ou WhatsApp nos números 608 684 719, 638 063 055 e 618 490 138.
“"Ademais de poñer en valor vehículos que forman parte da nosa historia, contribúe a atraer visitantes e dinamizar a actividade no municipio e na comarca."
