A directora xeral de Planificación e Ordenación Forestal, Luísa Piñeiro, visitou o municipio de Parada de Sil para supervisar as tarefas de recuperación de soutos tradicionais. Estas accións forman parte do Plan Piloto de Fomento da Xestión Conxunta de Soutos e contaron cun orzamento de case 450.000 euros.
A iniciativa busca a recuperación e posta en valor dos terreos forestais de xeito colaborativo, a través da agrupación forestal conxunta “Asociación de propietarios de soutos de Parada de Sil Canón do Sil”. Os traballos incluíron roza, poda sanitaria, retirada de brotes secundarios e limpeza de biomasa en camiños de acceso, así como a súa mellora e acondicionamento.
As tarefas de recuperación dos soutos abrangueron podas de formación e sanitarias, eliminación de pes mortos e brotes non desexados. Estas intervencións realizáronse nunha superficie total de 28,85 hectáreas nos soutos do Castro, Fondo de Vila, Entrambosríos e O Valado/Purdeus.
Luísa Piñeiro subliñou a importancia destas labores para fomentar o asociacionismo entre os propietarios, mellorar a xestión conxunta dos espazos forestais de forma sostible, evitar o abandono dos terreos e previr incendios forestais.
