O Concello de Xermade felicita á Asociación de Veciños de Cabreiros pola obtención do Premio da Crítica de Galicia 2026 na categoría de Iniciativas Culturais e Científicas. Este recoñecemento pon en valor o compromiso, a participación e o traballo compartido entre a veciñanza, a AVV Cabreiros, o Concello de Xermade e a Universidade de Santiago de Compostela para recuperar e preservar a memoria colectiva, fortalecer a identidade local e manter viva a cultura do territorio.
Este proxecto demostra que o rural ten presente, ten futuro e ten unha enorme capacidade para construír comunidade a través da cultura, da cooperación e da aprendizaxe compartida.
O premio é de Cabreiros, pero a alegría e o orgullo son de todo Xermade. Viva a cultura rural!
