Rematan as obras de saneamento e abastecemento en dous núcleos rurais de Guitiriz

A Xunta e o Concello financian a mellora dos servizos na Raposeira e Buxío, rematando os traballos nos últimos meses.

Rematan as obras de saneamento e abastecemento en dous núcleos rurais de Guitiriz

Xunta de Galicia · 2026-11-18

Os núcleos rurais da Raposeira e de Buxío, no municipio de Guitiriz, xa contan con novo servizo de saneamento e abastecemento, respectivamente, tras rematarse as obras executadas nos últimos meses.

As actuacións, promovidas polo Concello e financiadas pola Xunta de Galicia con cargo á liña non competitiva do Fondo de Compensación Ambiental, foron supervisadas hoxe polos técnicos do Goberno galego para elaborar a acta de comprobación. Na visita participaron o delegado territorial de Lugo, Alfonso Villares, e a alcaldesa da localidade, Marisol Morandeira.
Na Raposeira, parroquia de Santa Leocadia de Parga, executouse unha rede de saneamento compacta de 250 e 200 mm de diámetro para recoller as augas residuais das vivendas. Instalouse un colector de 250 mm ao longo de todo o trazado, con ramais para dar servizo ás casas máis apartadas, e pozos de rexistro situados a unha distancia máxima de 80 metros entre eles.
No barrio do Buxío, próximo a Parga, construíuse unha rede de abastecemento de auga potable mediante tubaxe de polietileno de 63 mm de diámetro.
Información elaborada a partir da fonte oficial: Xunta de Galicia — Notas de prensa (portal central, cubre todas as consellerías) (18/11/2026)