A apertura deste centro, situado nunha antiga casa reitoral, permitirá centralizar as actividades de exhibición e aprendizaxe durante todo o ano. A iniciativa busca dar continuidade ao labor desenvolvido arredor do Encontro Internacional de Torneiros da Madeira, que celebrará a súa vixésimo sexta edición entre os días 18 e 20 de setembro.
O programa do encontro incluirá obradoiros e demostracións a cargo de profesionais de recoñecemento internacional, ademais de exposicións de pezas seleccionadas. A cita consolidouse como un referente europeo para a confluencia de afeccionados e expertos no traballo da madeira.
Paralelamente, a Xunta de Galicia recordou a existencia dunha liña de axudas dotada con 1 millón de euros para fomentar a contratación de aprendices en oficios tradicionais. Estes apoios, dirixidos a obradoiros inscritos en Artesanía de Galicia, buscan facilitar a primeira experiencia profesional no sector.
As empresas interesadas en solicitar estas subvencións para contratos a xornada completa teñen de prazo ata o vindeiro 30 de setembro, sempre que non se esgote o orzamento dispoñible antes desa data.
