A firma Deseño de Encerramentos de Calidade SL xa dispón da autorización municipal para levar a cabo esta construción, que engloba a posta no mercado de sete novas vivendas. O proxecto, cun orzamento de 919.000 euros, prevé un prazo de execución máximo de tres anos, debendo a empresa iniciar os traballos nun prazo de seis meses.

O novo inmoble substituirá ao actual, datado de 1869 e situado nun solar de 172 metros cadrados. O novo edificio será de maiores dimensións, contando con soto, baixo comercial, seis plantas e baixo cuberta. Ademais das sete vivendas, a promoción inclúe a creación de sete trasteiros.

Esta nova promoción aséntase nunha zona onde o Concello xa tiña comprometidas obras de mellora. A rúa Arquitecto de la Sota ía ser obxecto dunha actuación para a ampliación das beirarrúas e a eliminación de barreiras arquitectónicas, cun orzamento anunciado de 233.180 euros.