O sinistro produciuse no quilómetro 19 da citada vía, segundo informou o Centro Integrado de Atención ás Emerxencias (CIAE) do 112 Galicia. O suceso tivo lugar ao redor das 3:30 horas da madrugada, tras recibir unha chamada dun alertante que indicaba que un dos ocupantes puido saír do coche, mentres que o outro permanecía inconsciente no interior.
Os xestores do 112 coordinaron a intervención de Urxencias Sanitarias de Galicia-061, os bombeiros de Sarria e a Garda Civil de Tráfico. Ao chegar ao lugar, os bombeiros tiveron que empregar material de excarceración para liberar á persoa atrapada.
A pesar dos esforzos, os sanitarios desprazados unicamente puideron certificar o falecemento do ocupante atrapado. A outra persoa que viaxaba no turismo recibiu asistencia médica no propio punto do accidente.
