O incidente tivo lugar preto do parque de Castro Agrasar, unha zona moi frecuentada polos veciños de Sarria. A muller, que paseaba co seu can, achegouse á beira do río para coller unha flor e precipitouse á auga nun punto con certo desnivel, o que lle impedía saír por si mesma.
Un mozo que facía deporte pola zona escoitou os berros de auxilio da muller e alertou ao servizo de emerxencias 112 ao redor das 12:25 horas. Segundo o relato da propia vítima, a caída puido producirse sobre as 12:00 horas, permanecendo un tempo no río sen que ninguén se decatase.
Calcula que caeu ao cauce arredor das 12.00 horas, pero ninguén se percatou durante este tempo do acontecido.
Ata o lugar desprazáronse efectivos da Policía Local, os bombeiros do parque comarcal e unha ambulancia do 061, que lograron sacar á octoxenaria do río. Aínda que non presentaba feridas visibles, queixábase de sentir moito frío. Inicialmente foi levada ao Punto de Atención Continuada (PAC) da vila, pero posteriormente decidiuse o seu traslado ao Hospital Universitario Lucus Augusti (HULA) para unha avaliación máis completa.
Mentres tanto, a Policía Local e persoal do Concello de Sarria fixéronse cargo do can da muller, que a acompañaba no momento do suceso, ata que ela poida recuperalo.
