A incidencia ocorreu sobre as 18.00 horas cando se estaba a cargar unha escavadora nunha grúa. Por causas descoñecidas, o vehículo púxose en marcha e, tras avanzar poucos metros, chocou co poste. O condutor intentou frealo sen éxito, acabando por derrubalo.
A Policía Local foi alertada e procedeu a cortar a rúa en ambos os sentidos debido ao risco que supoñía o estado do soporte. Os axentes tamén realizaron a proba de alcoholemia ao condutor da grúa, que resultou negativa.
O sinistro non provocou danos nin no tendido eléctrico nin nos vehículos implicados. Operarios da empresa eléctrica encargáronse da reparación do poste. O suceso chamou a atención dos veciños da zona.
