O programa de conciliación escolar para o curso 2026-2027 no Concello de Sarria xa ten datas definidas. A iniciativa, que busca ofrecer apoio ás familias, desenvolverase dende o vindeiro 9 de setembro ata o 21 de xuño, en liña co calendario escolar oficial.
Os destinatarios desta proposta son o alumnado nado entre os anos 2014 e 2023, ambos inclusive, que estean escolarizados nos centros educativos públicos do municipio. As actividades terán lugar nos colexios CEIP Antonio Fernández de Oural, CEIP Frei Luís de Granada e na Escola de Educación Infantil (EEI) Xela Arias.
O proceso de solicitude abrirase o 17 de agosto e pecharase o 24 do mesmo mes. Posteriormente, o 28 de agosto publicarase a listaxe provisional de solicitudes admitidas. Os interesados terán dende o 31 de agosto ata o 2 de setembro para emendar faltas ou presentar a documentación requirida. A lista definitiva de admitidos darase a coñecer o 4 de setembro.
O pagamento do servizo realizarase mediante domiciliación bancaria, de acordo coa Ordenanza Fiscal reguladora do prezo público por prestación des servizos vinculados á conciliación escolar, publicada no BOP o 5 de xuño de 2025.
