Marcos Ferro, un mozo hostaleiro de 28 anos natural de Extramundi e propietario do Botánico Coffe & Coctail Bar en Padrón, está a recibir numerosas felicitacións tras acadar a vitoria no campionato nacional SIP Supernova Spain 2026. Este prestixioso certame, impulsado por Pernod Ricard, abre as portas a unha nova aventura para Ferro: a final mundial en Xapón, que se celebrará a partir do 8 de maio.
A súa vitoria tivo un ingrediente clave: o pemento de Herbón. Ferro empregou este produto emblemático da súa terra para darlle un toque distintivo ao seu cóctel gañador, unha innovadora reinterpretación do clásico Paloma. Con esta creación, buscou tender unha ponte entre a cultura mexicana e a galega, destacando a riqueza dos produtos locais.
“"Dar a coñecer o pemento de Herbón desta forma si que é un orgullo."
Formado no CIFP Compostela de Santiago, onde cursou o ciclo superior de Dirección de Servizos de Restauración, Ferro enfrontarase en Xapón a 15 dos mellores barmans do mundo. Aínda que non é habitual que se presente a concursos, este atraeuno pola súa misión de visibilizar novos talentos. O mozo hostaleiro recoñece a ilusión e os nervios ante o desafío, pero valora a oportunidade de participar como un gran premio en si mesmo.
