A iniciativa, que se levará a cabo nas instalacións do ximnasio da Ramallosa, conta coa colaboración da asociación Abeiro e da empresa BeOne Teo. A sesión será impartida por unha profesora experta na materia.
Os fondos recadados e os alimentos recolleitos destinarase ao sostemento das actividades da asociación Abeiro, ubicada no municipio teense, e á alimentación dos animais que están baixo o seu coidado.
Desta forma, ademais de sensibilizar á cidadanía sobre a importancia da protección e do benestar animal, tamén se promoven hábitos de vida saudable mediante a práctica do ioga.
O Concello de Teo vén demostrando dende hai anos a súa especial sensibilidade cara ao benestar animal, apoiando iniciativas impulsadas por entidades comprometidas coa protección dos animais.
