O Servizo de Bono Social Eléctrico tamén se reanudará o mércores 2 de setembro, de 10:00 a 12:00 horas, no Salón de Plenos.
O proxecto de mellora do viario municipal entre Montouto e Penelas inclúe a limpeza de gabias, a reparación de baches e o perfilado de mordentes antes do reasfaltado da calzada con aglomerado. A superficie total a aglomerar será de 11.232 metros cadrados nun tramo de 1.790 metros lineais con anchuras variables.
Ademais, levarase a cabo o recrecido das tapas de rexistro existentes ata a cota final de acabado e procederase á sinalización horizontal con pintado de liñas nos bordos para garantir unha circulación cómoda e segura.
Esta obra responde ao deterioro da vía debido á antigüidade do pavimento, ás inclemencias meteorolóxicas e ao desgaste polo tráfico diario.
Os interesados no proceso de licitación poderán presentar ofertas ata o vindeiro 9 de novembro. Toda a información está dispoñible na Plataforma de Contratación do Sector Público.
