O Concello de Teo licitou o contrato de afirmado e acondicionamento do viario municipal en Espasande. Os interesados poderán presentar ofertas ata o vindeiro 21 de outubro.
O proxecto responde ao actual deterioro da vía, debido á antigüidade do último pavimento, ás inclemencias meteorolóxicas e ao desgaste polo tráfico diario. O obxectivo é asegurar unha correcta circulación e seguridade viaria.
Os traballos incluirán a limpeza de gabias, a mellora da capa de rodaxe mediante o reasfaltado con aglomerado, previa reparación de baches e perfilado de mordentes. A superficie total a aglomerar será de 4.295 metros cadrados.
Ademais, procederase ao recrecido de 32 tapas de rexistro existentes ata a cota final de acabado e á sinalización horizontal con pintado de liñas en bordos.
