A Universidade de Santiago de Compostela (USC), a Universidade da Coruña (UDC) e a Asociación Española de Bioinorgánica organizan o simposio en liña BioNEXT26, que se celebrará os días 18 e 19 de novembro. Este evento está deseñado para persoal investigador en etapas iniciais da súa carreira, co obxectivo de promover o intercambio científico, a creación de redes de contacto e o desenvolvemento de novas colaboracións na comunidade de ciencias químicas.
O prazo para a presentación de resumos remata este mércores 30 de novembro. O programa científico abordará temas actuais e emerxentes en química de coordinación, química bioinorgánica medicinal, sistemas supramoleculares funcionais, novas metodoloxías sintéticas e técnicas avanzadas de caracterización.
Para fomentar a interacción entre diferentes etapas da carreira investigadora, o encontro combinará relatorios plenarios de especialistas internacionais con charlas de persoal investigador destacado en etapas iniciais. Buscase crear un ambiente dinámico e inclusivo que estimule a discusión e a colaboración científica.
O encontro está organizado por Fátima Lucio e Sandra Fernández Fariña, da USC; Charlene Harriswangler, da UDC; e a Asociación Española de Bioinorgánica.
