O comisionado do Xacobeo 2027, Marcos Gómez Román, presentou a quinta edición do festival, que se celebrará entre o 20 de novembro e o 13 de decembro de 2026.
Dirixido por Pedro Bugarín e Dani Polo, o evento contará coa participación de seis artistas internacionais multipremiados: Mago Murphy, Toni Frebourg, An Ha Lim, Didak, Bonjin Koo e Diego @ Elena. Ofrecerán espectáculos de ilusionismo en diferentes teatros e auditorios galegos.
As galas internacionais percorrerán oito cidades: A Coruña, Cangas, Vigo, Pontevedra, Lugo, Ferrol, Ourense e Santiago de Compostela.
Galicia Ilusiona conta co apoio da Xunta de Galicia, a través da Axencia de Turismo de Galicia, e consolídase como unha das citas culturais e de entretemento máis importantes do calendario galego, contribuíndo á promoción de Galicia como destino de eventos culturais.
