A cerimonia tivo lugar en San Caetano, onde Villaverde destacou o coñecemento do sector e dos retos que afrontan ambos os nomeados, tras desenvolver boa parte das súas carreiras na Consellería do Mar. Subliñou a experiencia profesional que os avala para asumir as novas responsabilidades e o papel estratéxico da pesca, o marisqueo e a acuicultura para Galicia.
A conselleira agradeceu a Ángeles V. Suárez o seu cambio de responsabilidade tras un ano e medio á fronte de Desenvolvemento Pesqueiro, destacando a súa “valentía, coraxe e traballo constante”. Recoñeceu tamén a experiencia de David Gómez Brandariz en ámbitos como a formación e o marisqueo, así como a súa actitude construtiva e de traballo en equipo.
“"Con moito traballo, esforzo e dedicación."
Os novos directores xerais agradeceron a confianza depositada e comprometeron o seu esforzo. Villaverde tamén tivo palabras de agradecemento para as familias dos nomeados e para o equipo da Consellería, ao que definiu como “un pequeno equipo pero unha gran familia”. Finalmente, recoñeceu a implicación de Isaac Rosón na súa etapa á fronte de Pesca, Acuicultura e Innovación Tecnolóxica, antes de asumir novas responsabilidades como secretario xeral de Industria e Desenvolvemento Enerxético.
