O encontro centrouse nos desafíos que afrontará a industria audiovisual nos vindeiros anos, especialmente no eido da innovación e da proxección exterior.
Lorenzana destacou a importancia do clúster, que agrupa a preto de 60 empresas e entidades, como motor para mellorar a competitividade da industria audiovisual galega e fortalecer a súa posición mediante a cooperación empresarial.
Subliñou tamén que o CLAG traballa activamente para conectar o sector audiovisual coas tecnoloxías emerxentes, a investigación e a formación, co fin de atraer investimentos e consolidar o tecido industrial de Galicia.
