Bergueiro, que desenvolve o seu labor no Centro Singular de Investigación en Química Biolóxica e Materiais Moleculares (CiQUS), da Universidade de Santiago de Compostela, é doutor pola Universidade de Santiago. A súa investigación inicial centrouse na síntese estereocontrolada de retinoides mediante reaccións catalizadas por metais de transición.
Tras estadías posdoutorais en Berlín e Tokio, retornou ao CiQUS en 2018, onde se integrou no grupo Granja/Montenegro. Alí, a súa investigación enfocouse no ensamblaxe supramolecular de péptidos e as súas aplicacións biolóxicas. En 2023, obtivo un contrato Ramón y Cajal para liderar unha liña pioneira sobre a quiralidade da -hélice.
En 2025, acadou unha axuda Consolidator Grant do Consello Europeo de Investigación (ERC) para o proxecto ChiroPore (Helico-selective Membrane Transport). Este proxecto busca un transporte selectivo de moléculas a través de membranas mediante o deseño de bloques peptídicos helicoidais, coas aplicacións previstas en biosensores e sistemas de liberación de fármacos.




