O sinistro produciuse na parroquia de San Mamede de Ribadulla, onde o vehículo pesado impactou contra o quitamiedos. O 112 Galicia tivo constancia do accidente ás 14:50 horas a través do Servizo de Urxencias Sanitarias de Galicia-061.
Minutos despois, un particular alertou ao Centro Integrado de Atención ás Emerxencias de que un camión sufrira un accidente na AP-53 e que o condutor permanecía no interior da cabina, precisando asistencia sanitaria urxente.
Ata o lugar desprazouse o helicóptero medicalizado con base en Santiago de Compostela. Tamén se activaron os Bombeiros de Ordes, o Grupo de Emerxencias Supramunicipal (GES) de A Estrada, a Garda Civil de Tráfico e efectivos de Protección Civil.
A pesar dos esforzos realizados polos equipos sanitarios, que practicaron manobras de reanimación cardiopulmonar no lugar do accidente, non foi posible salvar a vida do condutor, que faleceu como consecuencia do sinistro.
