A mobilización, secundada por representantes sindicais, busca desbloquear un trámite que afecta directamente a máis de corenta familias da zona, cuxa incerteza laboral se cualifica de "insoportable" polos portavoces.
A compañía, con case catro décadas de actividade no concello de Melón e certificada en minaría sostible, atópase nunha situación de parálise administrativa dende que en 2021 a CHMS declarase a caducidade da súa autorización de vertido orixinal, concedida en 2011.
A pesar de presentar unha nova solicitude a principios de 2023, seguindo as indicacións técnicas do organismo, o expediente permanece sen resolución case catro anos despois, segundo denuncian as organizacións sindicais CIG e UGT.
“"Hai máis de corenta familias da comarca que viven nunha incerteza insoportable"
Os sindicatos reclaman unha resolución urxente do permiso de vertido para garantir a viabilidade da planta e evitar a destrución do tecido industrial e do emprego na comarca por "motivos burocráticos".
