O evento, organizado por CLUERGAL e DIHGIGAL no marco dos ENERGY DAYS 2026, ten como obxectivo explorar como as novas tecnoloxías poden mellorar a competitividade e a sustentabilidade dos modelos produtivos actuais.
A programación estrutúrase en catro mesas de debate onde se abordarán cuestións clave como a monitorización intelixente, a aplicación da intelixencia artificial para o aforro enerxético e a integración de fontes renovables. Ademais, analizarase o papel do intercambio seguro de datos na creación de novos servizos industriais.
A xornada, que terá lugar no Edificio CINC a partir das 16:00 horas, está dirixida a empresas, centros tecnolóxicos e especialistas do sector. A asistencia é aberta e gratuíta, previa inscrición a través da plataforma oficial dos ENERGY DAYS.
