Os seguidores da serie Animal, unha comedia rural galega que conquistou a audiencia global, están de noraboa. Netflix confirmou non só o comezo da gravación da segunda tempada, senón tamén o da terceira, asegurando así a continuidade desta produción que ten como escenario principal Santiago de Compostela e localidades próximas como Touro, Ponte Maceira, Arzúa, Teo ou Vedra.
A serie, producida por Alea Media, converteuse nun fenómeno global en 2025, acumulando 14,8 millóns de visualizacións e situándose como a ficción máis vista en España e unha das máis seguidas a nivel mundial. O seu éxito radica no humor e a retranca galega, que mostran situacións cotiás e surrealistas ás que se enfrontan os veterinarios da trama.
“"Estou con Clanes, a estrea de Zeta, estou cos monólogos, estou en El Hormiguero e acabo de arrancar Animal, que por iso levo este look."
Para estas novas entregas, a serie contará cunha fichaxe estrela, o actor Álvaro Mel, quen se unirá ao elenco principal. A súa incorporación produciuse tras superar un peculiar proceso de selección, descrito polos protagonistas como unha “experiencia”, onde se lle formularon preguntas pouco convencionais para avaliar a súa idoneidade para o equipo de Kawanda.
Os novos episodios explorarán a expansión do negocio de Kawanda coa apertura dunha sede urbana en Santiago de Compostela e a introdución dun innovador servizo de enterros para mascotas. Este desenvolvemento traerá prosperidade á ficticia vila de Topomorto, pero tamén desvelará un segredo oculto que promete engadir intriga á trama.
