O encontro, organizado pola Peña Madridista de Lugo, contará coa asistencia de preto de 200 afeccionados. A xornada, que dará comezo ás 13.00 horas, servirá como punto de unión para os seguidores de toda a provincia, incluíndo representantes das localidades de Burela, Foz, Monforte de Lemos, Mondoñedo, Ribadeo, Sarria, Vilalba, Viveiro e Xove.
A representación institucional do club madrileño estará encabezada polo director do Departamento de Peñas. Así mesmo, o acto contará coa presenza de figuras históricas da entidade, tanto do ámbito do fútbol como do baloncesto, que participarán nas actividades programadas.
Durante a xornada, os asistentes poderán participar en sorteos de material oficial, como camisetas e réplicas de trofeos, incluíndo unha reprodución a tamaño real da Copa de Europa. O programa inclúe tamén unha comida de confraternidade para os socios e afeccionados presentes.
