Un lume orixinado en Portugal xa cruzou a fronteira e afecta á parroquia ourensá de Manzalvos, en A Mezquita. Segundo fontes da Consellería do Medio Rural, o incendio traspasou a fronteira sobre as 7.18 da mañá deste domingo, afectando xa a máis de 20 hectáreas. Catro axentes, cinco brigadas, cinco motobombas, unha pala, tres avións e un helicóptero traballan na súa extinción. Por agora, ningunha poboación está en risco.
Noutra fronte, sobre as catro da madrugada detectouse un segundo incendio na localidade coruñesa de A Capela. Este lume xa afecta a unha vintena de hectáreas e para a súa extinción mobilizáronse un técnico, cinco axentes, sete brigadas, oito motobombas, unha pala e tres helicópteros.
Ademais, permanece sen extinguir, aínda que controlado dende hai días, o lume que se iniciou o pasado 12 de xuño no lugar de Herbón, no concello de Padrón, e que arrasou unhas trescentas cincuenta hectáreas.
A Consellería do Medio Rural recorda á cidadanía que teñen á súa disposición o número de teléfono gratuíto 085 para alertar sobre calquera incendio forestal.
