O vídeo promocional, que xa acumula máis de 32.000 visualizacións, foi lanzado por Chuore, un obrador artesanal situado na rúa da Senra. Desde a súa apertura en 2023, este negocio destacou por integrar a elaboración tradicional dos churros con estratexias de mercadotecnia modernas, dirixidas a captar a atención das novas xeracións.
A churrería con máis aura de Galicia está en Santiago.
A campaña emprega expresións populares entre os mozos, como “bro”, “aura” ou “estar en su prime”. No vídeo, un cliente novo eloxia os churros dicindo “Bro... están god”, ao que o propietario responde cun “iso é un facto”, adaptándose á xerga da xeración Z e Alfa.
Para resaltar a calidade do seu produto, o vídeo tamén inclúe unha explicación sobre o proceso de elaboración. Destácase que os churros son sempre amasados a man, rexeitando as amasadoras que consideran “red flag”, e subliñando que “se cruxen están en su prime”, indicando a súa frescura e punto óptimo.
Ademais dos seus recoñecidos churros, Chuore ofrece opcións como fresas para aqueles que buscan alternativas máis lixeiras. O establecemento tamén aconsella visitar a churrería para sorprender a alguén, especialmente “se che fan ghosting”, facendo referencia a unha práctica común entre os mozos de cortar o contacto de forma abrupta.
