O crédito orzamentario da convocatoria, que inicialmente era de 2 millóns de euros, aumentará ata os 2,3 millóns de euros. Esta modificación permitirá que as axudas cheguen a persoas que adquiriron unha vivenda entre o 16 de outubro de 2025 e o 31 de decembro de 2025, un período que quedara excluído nos prazos orixinais da convocatoria publicada o pasado 19 de agosto.
A través desta liña de axudas, finánciase a contía máxima do 20% do prezo de adquisición ou do custo da autopromoción, cun límite de 15.000 euros por vivenda. O prezo de adquisición ou o custo da autopromoción non poderá superar os 250.000 euros.
O prazo para presentar as solicitudes permanecerá aberto ata o vindeiro 16 de novembro. As vivendas obxecto destas axudas deberán ser residencia habitual e permanente durante un mínimo de 5 anos.
