Coa chegada de setembro, ponse en marcha a décimo primeira edición do concurso #traduceTED, que busca promover a existencia de recursos audiovisuais de divulgación científica en galego.
Para participar, é necesario inscribirse antes do 28 de setembro. Existen dúas modalidades: a Modalidade A, reservada para o estudantado, PDI ou PTXAS da USC durante o ano 2026, e a Modalidade B, para persoas adultas alleas á universidade. As persoas inscritas na Modalidade A poderán asistir a un obradoiro de formación sobre o manexo da aplicación de subtitulación.
Os participantes deberán presentar polo menos unha charla ou vídeo TED de divulgación científica subtitulada ao galego antes do 31 de outubro. Un xurado valorará os traballos presentados segundo os criterios da convocatoria para elixir os mellores de cada modalidade.
Os premios para a Modalidade A consisten en 300 euros para o primeiro posto, 250 para o segundo e 200 para o terceiro. Na Modalidade B, o primeiro premio é de 300 euros e o segundo de 250 euros.
