A Xunta de Galicia, a través da conselleira do Mar, Marta Villaverde, e o director xeral de Pesca, Isaac Rosón, reforzou a coordinación co sector pesqueiro galego en Bruxelas. O encontro tivo lugar cos profesionais galegos que presiden os principais Consellos Consultivos da Unión Europea.
Participaron na xuntanza Sergio López (Augas Occidentais Austrais, CCS), Iván López van der Veen (Frota de Longa Distancia, LDAC) e Yobana Bermúdez (Mercados, MAC), ademais do presidente da Federación Nacional de Confrarías de Pescadores, Basilio Otero, en representación do sector artesanal.
O obxectivo principal foi analizar os traballos e aliñar accións para asegurar a influencia de Galicia na toma de decisións comunitarias dentro da Política Pesqueira Común (PPC).
Abordáronse cuestións urxentes como a remuda xeracional, mellorando as condicións laborais e a habitabilidade da frota sen incrementar a capacidade pesqueira. Tamén se esixiu reciprocidade fronte ás importacións de terceiros países para evitar a competencia desleal e combater a pesca ilegal.
Ambas partes acordaron manter unha canle directa de concertación técnica para garantir que as recomendacións á Comisión Europea deféndan o liderado, a sustentabilidade e a viabilidade económica do sector marítimo-pesqueiro galego.
