O Diario Oficial de Galicia (DOG) publicou hoxe a resolución das axudas para redución de xornada, unha iniciativa que busca favorecer a conciliación e a corresponsabilidade. Un total de 320 persoas beneficiáronse destas achegas, sendo máis do 70% homes.
O Goberno galego investiu preto de 620.000 euros nestas axudas, deseñadas para incentivar que un maior número de homes modifiquen o seu horario laboral para o coidado dos fillos e fillas. As contías das axudas oscilan entre os 1.700 euros e os 3.700 euros, dependendo da porcentaxe de redución de xornada e do número de menores a cargo.
Esta resolución consolida a tendencia dos anos anteriores, cunha maioría de homes beneficiarios, sumando 226 solicitudes. Pola súa banda, as mulleres recibiron 94 das axudas concedidas, correspondendo en moitos casos a familias monomarentais ou unidades familiares integradas por dúas persoas do mesmo sexo.
