A partir de mañá, as entidades locais poderán presentar as súas solicitudes de prórroga ou de nova autorización a través do procedemento único habilitado na sede electrónica da Xunta. Este é o segundo ano que o Goberno galego asume a tramitación directa destas peticións, unha función que se lle transferiu o 1 de xullo de 2025.
O anuncio publicado hoxe no Diario Oficial de Galicia (DOG) tamén fixa o período de apertura para os servizos e establecementos de tempada entre o inicio da Semana Santa (19 de marzo) e o 31 de outubro de 2027, durante o que poderán operar de forma ininterrompida.
As solicitudes dos concellos, que poderán presentar un plan de explotación cunha vixencia de catro anos, xa dispoñen de material de apoio e modelo base no portal Galicia litoral da Consellería de Medio Ambiente e Cambio Climático. Ademais, prevese convocar un webinario informativo dirixido ás entidades locais.
Un total de 18 municipios costeiros galegos xa asumiron a xestión desta zona este ano. Unha vez pechado o prazo preferente para concellos, as persoas físicas e xurídicas interesadas poderán solicitar autorización á Xunta desde o 16 de novembro ata o 31 de decembro.
As instalacións autorizadas poderán permanecer abertas de forma ininterrompida durante a tempada. As construcións temporais e desmontables deberán ser retiradas do DPMT no prazo máximo de 15 días tras a finalización da tempada.
