A competición ofrecerá dous percorridos distintos: un de 45 quilómetros con 1.300 metros de desnivel positivo e outro máis esixente de 65 quilómetros que acumulará 2.300 metros de desnivel. Ambas as rutas transcorrerán polo Xeoparque Montañas do Courel.
As carreiras combinarán zonas rápidas, descensos e tramos técnicos, permitindo a participación individual ou por parellas. Non será necesario contar cunha licenza federativa para tomar parte na proba.
A organización mantén aberto o prazo de inscrición e anima os interesados a reservar o seu dorsal canto antes. A inscrición inclúe bolsa do corredor, seguro deportivo e cronometraxe con chip.
Quen desexe participar pode formalizar a súa inscrición a través da páxina web oficial do evento: www.quirogabikemarathon.com.
