O sábado foi o día que rexistrou máis sinistros, con 28 accidentes de tráfico. A Central de Coordinación do 061 recibiu 59 chamadas relacionadas con estes incidentes, que se traduciron en 48 asistencias sanitarias.
Do total de persoas atendidas, o 54% foron homes e o 46% mulleres. En canto ás idades, o 31% dos feridos tiña entre 40 e 54 anos.
Por provincias, Pontevedra foi a que máis sinistros rexistrou, con 19 accidentes durante os desprazamentos desta fin de semana.
Os recursos sanitarios mobilizados incluíron ambulancias asistenciais de soporte vital avanzado (seis accidentes), ambulancias asistenciais de soporte vital básico (48 sinistros) e equipos de Atención Primaria (cinco accidentes).
En 56 casos os feridos foron trasladados a centros sanitarios, mentres que en catro ocasións recibiron atención no propio lugar do incidente.
