A calidade do aire na contorna de Pontevedra mantense en niveis considerados bos, segundo os datos oficiais integrados polo Ministerio para a Transición Ecolóxica e o Reto Demográfico (MITECO). Estes datos, validados por redes autonómicas como MeteoGalicia, sitúan á cidade dentro dos estándares europeos.
O informe anual de calidade do aire de MeteoGalicia de 2024 subliña que Galicia, incluíndo Pontevedra, mantivo unha boa calidade do aire en contornas urbanas, rurais e industriais, cumprindo os requisitos legais. Os datos reflicten unha lixeira mellora respecto ao ano anterior, 2023.
“"A diminución do tráfico é un dos factores máis eficaces para mellorar a calidade do aire nas cidades."
Esta mellora está directamente ligada ao modelo urbano de Pontevedra, que transformou a cidade nas últimas décadas. A redución do tráfico no centro, a recuperación do espazo público e a aposta pola mobilidade peonil cambiaron a forma de moverse e vivir na localidade.
Os datos oficiais indican que o 67% das viaxes realízanse a pé e outro 5% en bicicleta, o que significa que máis de sete de cada dez desprazamentos se fan sen coche. Ademais, o 81% dos nenos de entre 7 e 12 anos vai camiñando ao colexio.
O modelo urbano de Pontevedra recibiu recoñecementos internacionais, como o Premio Europeo de Seguridade Viaria Urbana en 2020, outorgado pola Comisión Europea. Este galardón destacou a redución da sinistralidade e a prioridade ao peón no deseño da cidade.
A iniciativa do Metrominuto, que promove os desprazamentos a pé cun mapa de tempos entre puntos clave, tamén foi premiada co Premio Intermodes de Mobilidade Urbana en 2013 e seleccionada por ONU-Hábitat en 2014 como boa práctica internacional.
