A homenaxe terá lugar ás 19:00 horas no Antigo Hospital de San Roque (Rúa de San Roque, 2). Ao evento asistirá Carmen González Sotelo, representante institucional do CSIC en Galicia.
Durante o acto, Manuel Puga Pereira ofrecerá unha panorámica da súa traxectoria vital, mentres que Francisco Díaz-Fierros Viqueira impartirá unha charla titulada ‘Tarsy Carballas: lealdade a un proxecto’.
Pola súa banda, Serafín Jesús González Prieto, subdirector da Misión Biolóxica de Galicia-CSIC e presidente da Sociedade Galega de Historia Natural, abordará a súa carreira no relatorio ‘Tarsy Carballas no CSIC: un legado inesquecible’.
A cerimonia de clausura será dirixida por Ángel Concheiro Nine, presidente da Real Academia de Farmacia de Galicia.
O evento poderá seguirse en directo a través da canle de YouTube da Academia.
