A Misión Biolóxica de Galicia (MBG-CSIC) organiza un seminario centrado na Intelixencia Artificial Explicable (XAI) e as súas aplicacións científicas. A xornada terá lugar o xoves 21 de setembro ás 12:00 no Salón de Actos do MBG-CSIC (sede de Pontevedra). A entrada é libre e gratuíta.
Baixo o título "Cando a Predición Non É Suficiente: Intelixencia Artificial Explicable e Aplicacións Científicas", o relator, o Dr. Raúl Vicente Zafra, Profesor no Instituto de Ciencias da Computación da Universidade de Tartu (Estonia), ofrecerá unha introdución accesible á XAI. Explicará a diferenza entre modelos transparentes e "caixas negras", o equilibrio entre precisión e interpretabilidade, e a distinción entre explicacións locais e globais.
O seminario presentará métodos como SHAP, LIME e explicacións contrafactuales, ilustrados con exemplos de análise de imaxes, segmentación e detección. O obxectivo é comprender en que variables se basea un modelo e detectar posibles sesgos ou artefactos nos datos.
O Dr. Raúl Vicente Zafra é tamén Director Adxunto do Instituto de Ciencias da Computación na Universidade de Tartu. A súa investigación céntrase na intersección entre neurociencia e intelixencia artificial. Foi recoñecido co Premio Extraordinario de Licenciatura en Física en 2001 e o Premio Extraordinario de Doutoramento en Física en 2006, entre outros galardóns.
Esta actividade é promovida polo Dr. Carlos Pérez Carmona do grupo de investigación TraitLab (Diversidade Funcional e Macroeoloxía de Traits), en colaboración coa Unidade de Valorización do MBG-CSIC. A iniciativa enmárcase dentro das axudas MAX International Mobility Grants concedidas ao MBG polo Consello Superior de Investigacións Científicas (CSIC).
Para máis información, pódese contactar coa Misión Biolóxica de Galicia a través da Unidade de Valorización no correo electrónico valorizacion@mbg.csic.es.
